GS1 Ísland heldur GS1 Nordic Summit í samvinnu við GS1 í Danmörku, Finnlandi, Noregi og Svíþjóð, norræna ráðstefnu sem sameinar fyrirtæki og stofnanir úr ólíkum atvinnugreinum til að ræða þróun í alþjóðaviðskiptum, stafræna umbreytingu og notkun staðla. Ráðstefnan fer fram dagana 7.–8. maí 2026 í Osló í Noregi.

Um er að ræða tveggja daga ráðstefnu þar sem fjallað verður um hvernig fyrirtæki og stofnanir geta nýtt GS1 staðla, gögn og tækni til að bæta rekjanleika, auka skilvirkni og styðja við örugg og samhæfð viðskipti yfir landamæri. Áhersla er lögð á hagnýta nálgun og raunverulegar áskoranir sem fyrirtæki glíma við í dag, ásamt umræðu um hvernig megi bregðast við þeim.

Sérstök áhersla verður lögð á málefni sem tengjast dagvöru, varanlegum neysluvörum og byggingariðnaði, þar sem kröfur um áreiðanleg gögn, rekjanleika og skilvirkt samstarf í aðfangakeðjum fara sífellt vaxandi.

Á dagskrá eru meðal annars umfjallanir um vörugögn, stafrænar lausnir, sjálfbærni, regluverk og gagnamiðlun í aðfangakeðjum. Ráðstefnan endurspeglar þá þróun að samræmd notkun gagna og staðla er orðin lykilforsenda fyrir traust og gagnsæi í alþjóðlegum viðskiptum — ekki síst fyrir fyrirtæki sem starfa á mörgum mörkuðum.

Er GS1 Nordic Summit fyrir þig?

Ráðstefnan hentar sérstaklega vel fyrir:

• Fyrirtæki sem starfa í framleiðslu, dreifingu, smásölu eða þjónustu
• Stjórnendur og sérfræðinga sem vinna með stafræna umbreytingu, upplýsingatækni og gæðastjórnun
• Aðila sem bera ábyrgð á vörugögnum, rekjanleika og samræmi við reglur
• Fyrirtæki og stofnanir sem vilja fylgjast með þróun staðla og nýtingu gagna í norrænu og alþjóðlegu samhengi

GS1 Nordic Summit er gott tækifæri til að dýpka þekkingu, skiptast á reynslu og fá betri innsýn í hvernig staðlar og gögn styðja við nútíma viðskipti.

Frekari upplýsingar og skráning má finna á heimasíðu ráðstefnunnar: www.gs1nordicsummit.com

‍